| Liabe Leit ! I war mei Lebtag lang – 's is wahr Was Schenken anbelangt a Narr Und i bin aa beim Sterbn net gscheiter I schenk meine Organe weider Tat's euch mitn Aufschneidn net gleich plagn I muaß Euch vorher no was sagn: Zwar war i all de Jahre lang Wia ma so sagt nie ernstlich krank A grissn's Bandl, a Haxn brochn Des san net wirklich ernste Sochn Und was i so waaß braucht ja de Baaner Zum Transplantiern eh wirklich kaaner Aber um meine andern Trümmer Da stehts trotz Xundheit vielleicht schlimmer 1) Für mi war immer ganz normal Mei Hang zum Gastro-Personal A fesche Köllnerin – mei Liaba Da laß i heute no nix drieba Oder a Koch mit dem gewissen Feinen Gspia fia Leckerbissn Kurzum: Z'vü Alk und fettes Essen I glaub, mei Leber kennt's vergessen Schauts euch liaba wen andern an Im Hinblick auf Spender-Organ 2) Den Hang zum Gastro-Personal Den hab i ghabt aa sozial Aa wann si da wer echauffiert I war mit Bardamen liiert Rein von der Kondi – des is kaa Scherz Geht so a Gspusi ziemlich aufs Herz Und manche hat's – des is net zum lachen Beim Abschied mir dann aa no brochen Liegt die Entscheidung in meinen Händen: Zum Spenden tät i's net verwenden |
3) Möcht' aaner meine Nieren verlangen Auf DIE san ma mei Lebtag gangen De meistn Leit, mit Ausnahmen vielleicht no hie Und da de aus der Gastronomie Darum ratert i aa do kaan Daß er verwendert des Organ 4) A Rückgrat zeign hab i nie miaßn Und drum – ihr kenntert's mi daschiassn Derft's mi vom Rückenmark nix fragen I kenntert eich da garnix sagn Nur aans – tat's bitte auf mi huachen Bevor's es nehmt's, tat's es untersuachn 5) Mei Hirn beschreibn, des spar ich mir Lest's nur die Punkte 1 bis 4 6) De Augn ? De haben si vü zu oft verschaut 'S is gscheiter, wamma's weggahaut Vom Rauchen hin sein werdn de Lungen Der Rachenraum mitsamt der Zungen Und was sunst no gibt an Innereien De werdn halt alle hin aa sein… 7) Gibt's wo auf dem weiten Wöltenrund An gar so armseligen Hund Der maant - trotz obiger Beschreibung Er braucht a Trumm zur Einverleibung Zum Weiderruacheln, Weiderlebn No mei, dann kennts es eam ruhig gebn Weul zu dem Zeitpunkt is mei Söl Im Himmel oder in der Höll Und kann si eh scho nimmer wern Wie xagt: i schenk no immer gern 7) Was überbleibt von mir nachher Verbrennt's und straat's ins nächste Meer Im Vollbeschwips durch geistige Säfte Wien, Datum, Unterschrift |